Härzlech Willkomme i üsere Vereinswält...!
**************************************
AKTUELL AKTUELL AKTUELL AKTUELL
**************************************
01.11.2018: O im nöiä Jahr wird wieder fliissig Dressur trainiert, am 4. Jänner starte mer es nöis Kapitel bir Liliane Trümpy (Aamäldeschluss isch 30.11.2018): Infos und Usschriibig unger "Kursä"
***
24.09.2018: d Reiseleitig het e chlei lang gha zum ändlich e paar Impressione
vo üserä Vereinsreis hie ine z stelle, sorry... Aber JETZ hets klappet
und Iehr chöit HIE e chlei "Burghley-Luft" schnuppere! ENJOY! :-)
***
26.09.2018: Ds nöiä Quartalsprogramm 04/2018 isch unger "Q-Programm" ufgschalte
***
nEWS
Hallo zämä!
Es freut üs sehr, dass Dir dr Wäg uf üsi Homepage gfunge heit und es isch natürlich d Meinig, dass Dir die fliissig bruuchet! :-)
Eventuell heit Dir öppis, wo nech fäut uf derä Siitä, de mäudet das doch, uf Eui Biiträg fröiä mir nis sehr!
Via "Contact" geit das ganz gschwing!
We Du öppe no irgendwo Fotos vo üsnä Aaläss oder Aktivitäte bi Dir "umeliege" hesch, de schick nis die doch, mir sy sicher, dass die andere Mitglieder gärn o no i denä Erinnerigä schwelgä... ;-)
I däm Sinn: Vill Spass bim "Umeschnöiggä" u wyterhin villi sunnegi Stundä mit Eunä 4-Beiner!
Beschti Grüäss!
Kursä
Mir probiere für aui Pfärdesportdisziplinä es interessants Kurs-Programm aazbiete. Hie findisch wyteri Infos zu de aktuelle Kursä und we Du findsch, dass mir öppis unbedingt sötte ufnäh, de kontaktier üs doch hurti! Mir fröiä nis uf Diner Inputs und wünschä aune vill Spass bim Mitmache und vill Erfolg bim Umsetzä im Alltag und uf Turnier...
Aktivitäte & Aaläss
Mir biete dür ds ganze Jahr immer wieder Aktivitäte und Aaläss für üsi Pfärdesportbegeischteretä, aber natürlich o für die "bessere Hälftene", für d TT's & Grooms und aui wytere "Verbandletä" ah...
Wärfet e Blick uf Quartals- & Jahresprogramm und löht nis wüsse, we nech no ne zündendi Idee chunnt... :-)